متقولش مخنوق ومش لاقي لخنقتي سبب
السر كله في مضغة ف جسمك هي القلب
جرب تقول لقلبك يا قلبي طمني
هيقولك اخشع في صلاتك قبل ما تسألني
هيقولك نفسي اسمع صوتك تستغفر
وف سواد الليل بقلب خاشع بتكبر
هيقولك بطل تسيب نفسك لشيطانك
المولي أنزل القراءن علشانك
اقرأ منه آيه بتدبر
وقول ياربي سبحانك
ربك هيفرح بيك
ويزيد ويقوي إيمانك
اقرأ منه ده ف كل آيه ربك بيكلمك
ولو يوم ضاقت بيك الجأ للقرأن هيطمنك
طمن قلبك بدعوة بيقين
طمن قلبك بقول إن الله غفور رحيم
طمن قلبك بسجدة ف النصف الاخير من الليل
طمن قلبك بقول إن الله على كل شئ قدير
ولو كنت خايف من ذنوبك وتقصيرك ف الماضى
ازاي تخاف وسبحانه اذا شاء غفر الماضي والآتي
ازاي تخاف وربنا كل يوم عشان بيحب المؤمن بينادي عليه
وبينزل السماء السابعة ويقول هل من سائل فاعطيه
استجيب لنداءه واسجد واخشع وادعي بيقين
ابكي من قلبك وقول يارب اغفرلي انك انت الغفور الرحيم
وسبحانه للاستجابة بيهيئ الاسباب
وف كل طريق بتلاقي علامة ان دعوتك بتستجاب
ومرة ورا مرة قربك هيبقي عاده
وتلاقي نفسك بتتنفس ب العبادة
وف يوم هتسجد تبكي وتردد للشكر مية آيه
وتقول ربنا حقق امنيه كانت ساكنة جوايا
هتعرف ان قربك لربنا كان بداية الحكاية
موضوع: قربك لربنا هو بداية الحكاية