أخى ..أختى .. بالله عليكم ما تحزنوا ولا تبكوا فى يوم الأم
والله حآسة بيكم جداً أنا كمان مفتقدة أمى وأنحرمت منها جداً
أمنا ماتت خلاص ومش هنشوفها تانى خلاص ولا هننده عليها تانى
ولا عمرنا هنقلها كل #سنة وانتى طيبة لا فى عيد ولا بغيره صح
بس أفتكروا أن الدنيا دى دار أبتلاء وأمتحان واختبار من ربنا
أفتكروا كلام ربنا عز وجل فى كتابه :
(ولنبلونكم بشئ من الخوف والجوع ونقص من الأموال والأنفس
والثمرات وبشر الصابرين الذين إذا أصابتهم مصيبة قالو
إنا لله وإنا إليه راجعون )
ربنا سبحانه وتعالى أبتلانا فى فراق #أمهاتنا
هنقوله ليه يارب كدا لا ميصحش يا جماعة
ميصحش ابدا بلاش أعتراض لأمر الله لازم نتأدب فى حزننا
#يعنى خلاص فراق أمنا بقى زى الوجع
اللى مالوش دواء غير #الصبر
وأستعينو بالصبر والصلاة أفضل
وأتركوا الاغانى عن الام والوجع بلاش #حزن وأعتراض
بلاش الكلام اللى بسمعه اللى فى أعتراض لأمر الله
أنا أكتر واحدة موجوعة جداً جداَ جداً وعشت لحظات صعبة جداً
لكن بتأدب فى حزنى لأننا فى اختبار وامتحان فلازم ننجح فيه
منرحش لربنا وورقتنا كلها اعتراض وكأننا محزناش
دا حتى من رضى فله الرضى ومن سخط فله السخط
يبقى نعدى عيد الأم بسلام وأستحملوا بالله عليكم
أستحملوا شوية معلش والله بقول الكلام لنفسى وليكم
عدوا بكرة على خير وأدعوا لأمهاتكم بكل سجدة وبكل أذان أفضل
عاوزين تبكوا على الفراق أبكوا مش هقلكم لا
لكن مش تبكوا اعتراض لأمر الله
لو بتحبوا امكم فعلا بجد إرجوكم بلاش توجعوها بقبرها
إرجوكم فرحوا أمهاتكم فى قبورهم بالله عليكم ما تبكو ولا تحزنوا
يا جماعة حبنا لأمنا مالوش يوم وعيد الام اصلا #بدعة
بالعكس أنا بشفق على اللى ليهم أم
مش بيفتكروها غير يوم وواحد فى السنة بس
لكن أنا فاكرة أمي فى كل دقيقة وثانية فى سجودى وصلاتى
قسماً بالله بنسى نفسى بالدعاء وما بنساها لحظة واحدة
عاهدت أمى فى ساعة الوداع أن عمرى ما هنساها بدعائى
ربنا يصبرنا ومعلش صدقونى أحنا هنرتاح اوى فى الجنة
فـ ياريت نتحمل الايام اللى ملهاش طعم دى
لأن الدنيا دار أمتحان ودار أبتلاء
أهم شئ فرحوا أمهاتكم فى قبورهم
بصوا خصصوا ساعة بالليل وادعو لها الرحمن ان يرحمها
واقرئوا سورة من القرآن وأوهبو ثوابها لامكم وكمان صدقة جارية
يعنى حاجات كتير ...ومش عيد الام دا يعنى اللى هيقطع قلبنا
لا يا جماعة محدش يحزن بالعكس ادعوا لامهاتكم وفرحوهم بقبرها
الحب مش كلام ولا هدية فى برواز الحب دعاء ليها فقط
وربى يرحم أمى وامهاتكم ويصبرنا على الفراق الاليم
موضوع: كلمة لكل من فقد #أمه