يا رحمة عايشة ويانا
بكل الحب ضمانا
عليكي ربي وصانا
يا أطيب أم في الدنيا
صباحك ورد ومندي
وعيدك أحلى عيد عندي
يسلم لي قلبك الوردي
ياروحي وقلبي وعنيه
تقومي الصبح قبلينا
بكل حنان تصحينا
وع الأخلاق تربينا
يافرحة م السما جايه
يالمه الأهل والعيلة
وعامله علينا ضليله
يانسمة حب وخميلة
وقلبك نبع حنيه . أمك وأبوك لاتنين
بمحبتك اولى
وطاعة الوالدين
من طاعة المولى
عايشين على خيرهم
مالناش حبيب غيرهم
***
لو كانش أبوك وأمك
ماكانش ليك ذكرى
ولا حد شال همك
ولا كنت ع الفكره
يالاهي عن أهلك
أخاف عليك تهلك
***
الأم شالت وتعبت
والأب ربى وجاب
والدعوة م القلب طلعت
وكان دعاهم مجاب
ماتكونش جاحد عليهم
ده الخير تملي في إيديهم
***
مين اللي بالروح يضحوا
غير بس أمك وأبوك
من عز نومهم بيصحوا
لو قلت أه يفدوك
جازيهم برحمة ومحبة
دول هما أغلى الأحبة .
موضوع: الوالدين