انتي اللي غير كل البنات...ومفيش كلام يوصف كده
اخلاق ودين ثابته ثبات ...مين شاف ايمان بالشكل ده
انتي العفيفه الطيبه .....انتي اللي منه قريبه
ربك حبيبك بتطعيه .......والناس عقولها مغيبه
انتي غيرهم
يالؤلؤه ماشيه بحجابك ...زانك حياءك بين صحابك
الناس يقولوا ليه كده .. وكانك انتي المذنبه
ده حجاب يصونك م العيون.. اوعي تسيبيه لو ايه يكون
واسع ويرضي ربنا ........اصلك بجد محجبه!!!!!!
انتي غيرهم
[قلبك ده غير كل القلوب .. طاهر بريء من غير ذنوب
خالي من الحب الحرام.. وقلوب كتير متعذبه
يانجمه وسط ظلام وليل..انتي الامل في طريق طويل
دول مهما حاولوا يعملوا..عمرك ما كنتي مذبذبه
انتي غيرهم
ياثابته زي جبال رواسي..سامعه كلام مؤلم وقاسي
صابره وبتقابلي الكلام .....بطريقه هاديه مؤدبه
ماشيه في طريق مليان صعاب.ابواب فتن ولاالف باب
قابضه علي جمر الايمان...كل البنات مستغربه
ما انتي غيرهم
انتي اللي غير كل البنات..ومفيش كلام يوصف كده
اخلاق ودين ثابته ثبات ...مين شاف ايمان بالشكل ده
انتي اعفيفه الطيبه....انتي اللي منه قريبه
ربك حبيبك بتطعيه ...... والناس عقولها مغيبه
انتي غيرهم[/color]